In project d'ir cun velo geografic

*Center geografic da la Svizra*
*Älggialp – Sachseln (OW)*

«Rouler la Suisse»
In project a lunga durada che consista d’explorar in territori en il ritmus dal velo. Cun la persvasiun, ch’il plaschair da scuvrir è pli impurtant, che la simpla prestaziun sportiva.

*Mussavias SuisseMobile: ina rait per ir cun velo da 35 000 km lunsch davent da las axas da traffic principalas*.

Dapi l’onn 2020 ha «Rouler la Suisse» mess en moviment mias rodas enturn ils lais principals dal pajais, sur las serpentinas da pass pli u main enconuschents e per lung da numerus curs d’aua.

*A la riva da l’Aara a Soloturn: transfurmaziun d’in terren nuncultivà industrial en in lieu cultural.*

Tut quai en mintgin dals 26 chantuns svizzers, cun frequentas excursiuns als pajas vischins: Austria, Frantscha, Germania, Italia e Liechtenstein.

*Avanzament dal project la fin da schaner 2026* *(perimeter 420 x 300 km*).

«Rouler la Suisse», è er la concepziun da divers girs tematics. Per exempel per colliar las 22 adressas da Monopoly, per conquistar las pli autas rutas da mintga chantun u per scuvrir spezias d’animal ch’èn tipicas svizras.

La preparaziun d’ina ruta ch’è la funtauna da satisfacziun bler temp avant ch’ins cumenza a pedalar.

*Sin la via al Pass dal Nufenen, che collia il Vallais cun il Tessin sin in’autezza da 2478 m.*

«Rouler la Suisse» èn la finala viadis, durant ils quals la ruta è pli impurtanta che la destinaziun:

Genevra–Vaduz l’onn 2021, per lung dal cunfin nord dal pajais.
Ginevra–Genova l’onn 2022: per ir a vesair la mar en velo.
L’exploraziun dal Tirol austriac e dal Tirol dal Sid talian l’onn 2023.
In’emna tranter Giura, Alsazia e Guaud Nair l’onn 2024.
Ina traversada da la Svizra dal vest a l’ost l’onn 2025, da Bière (VD) a Scuol (GR).

Cun adina la medema motivaziun: (re)scuvrir ina formidabla plazza da gieu.

*Passarella da velos sur la Limmat a Wettingen (AG).*

P.S. Ils spustaments che na vegnan betg fatgs per velo, per exempel per cuntanscher la partenza d’ina etappa, vegnan fatgs cun il tren.

«Rouler la Suisse»In project a lunga durada che consista d’explorar in territori en il ritmus dal velo. Cun la persvasiun, ch’il plaschair da scuvrir è pli impurtant, che la simpla prestaziun sportiva.

«Rouler la Suisse»
In project a lunga durada che consista d’explorar in territori en il ritmus dal velo. Cun la persvasiun, ch’il plaschair da scuvrir è pli impurtant, che la simpla prestaziun sportiva.